1.სერტიფიკატების განახლება
იხ. ვიდეო-ინსტრუქცია
თუ სერტიფიკატს ვადა გაუვიდა ან სხვა მიზეზების გამო გქონდათ გაუქმებული პირადობის ელექტრონული მოწმობის უნივერსალური პროგრამიდან შესაძლებელია მათი განახლება. გაუქმებული სერტიფიკატების განახლების მიზნით დააჭირეთ ღილაკს [სერტიფიკატის განახლება] (1).
სურ. 1
პროგრამა გამოგიტანთ შეტყობინების ფანჯარას. [დიახ] (2) ღილაკზე დაჭერით დაადასტურებთ რომ ნამდვილად გსურთ სერტიფიკატის განახლება.
სურ. 2
სერტიფიკატის მოთხოვნამდე საჭიროა მომსახურების საფასურის გადახდა. იმ შემთხვევაში, თუ საფასური არ გადაგიხდიათ გამოვა შესაბამისი ვებ-გვერდი.
სურ. 3
მოცემულ ვებ-გვერდზე შესაძლებელია მომსახურებვის ღირებულების დაფარვა. ამისათვის მიყევით ვებ-გვერდზე არსებულ ინსტრუქციას (სერტიფიკატის განახლების საფასურის გადახდის დეტალური ინსტრუქცია იხილეთ თავში 6).
თანხის გადახდის შემთხვევაში გამოვა შესაბამისი ვებ-გვერდი. გამოსულ ფანჯარაში შეიყვანეთ საიდენტიფიკაციო PIN კოდი (PIN1) (3) და დააჭირეთ ღილაკს [დადასტურება] (4).
სურ. 4
დაიწყება სერტიფიკატების განახლების პროცესი.
სურ. 5
დასასრულს გამოვა შეტყობინება სერტიფიკატების წარმატებით ჩაწერის შესახებ.
სურ. 6
2.საფასურის გადახდის პროცედურა სერტიფიკატის განახლებისას
სერტიფიკატის განახლების საფასურის გადახდა შესაძლებელია სხვადასხვა გვერდებიდან.
1. EPAY.GE-დან გადახდა
სერტიფიკატის განახლების საფასურის გადასახდელად შეგიძლიათ შეარჩიოთ გვერდი EPAY.GE (1). გადახდის გვერდზე განაცხადის ნომრის ველში დაგჭირდებათ მოცემული განაცხადის ნომერი (2). გადახდის გვერდზე გადასასვლელად დააჭირეთ [გვერდზე გადასვლა] (3).
სურ. 7
გამოვა გადახდის გვერდი. გადადით ჩანართზე [სახელმწიფო სერვისები] (4)
სურ. 8
შემდეგ დააჭირეთ ღილაკს [სახელმწიფო სერვისები] (5)
სურ. 9
აირჩიეთ [სახელმწიფო სერვისების განვითარების სააგენტო] (6)
სურ. 10
გამოსულ გვერდზე
- ველში [განაცხადის ნომერი](7) შეიყვანეთ განაცხადის ნომერი (2) და დააჭირეთ ღილაკს [დავალიანების გაგება] (8);
- გადამოწმების შემდეგ ავტომატურად შეივსება ველები [ინფორმაცია მომხმარებელზე], [დავალიანება] და [გადასახდელი თანხა].
- ველში [გადამხდელის სახელი და გვარი] (9) შეიყვანეთ თქვენი სახელი და გვარი
- ველში [გადამხდელის პირადი ნომერი] (10) ჩაწერეთ თქვენი პირადი ნომერი;
- ველში [ბარათი] (11) შეარჩიეთ ბარათი, რომლითაც გეგმავთ თანხის გადახდას;
- ველი [საკომისიო] ავტომატურად შეივსება;
- დააჭირეთ ღილაკს [გადახდა] (12).
სურ. 11
გამოსულ გვერდზე მიყევით გადახდის სტანდარტულ პროცედურას.
2. PAY.GE-დან გადახდა
სერტიფიკატის განახლების საფასურის გადასახდელად შეგიძლიათ შეარჩიოთ გვერდი PAY.GE (1). გადახდის გვერდზე კოდის ველში დაგჭირდებათ კოდი (2), ხოლო განაცხადის ნომრის ველში განაცხადის ნომერი(3). გადახდის გვერდზე გადასასვლელად დააჭირეთ [გვერდზე გადასვლა] (4).
სურ. 12
გამოვა გადახდის გვერდი, სადაც
- ველში [კოდი] (5) შეიყვანეთ კოდი (2);
- ველში [განაცხადის ნომერი](6) შეიყვანეთ განაცხადის ნომერი (3);
- დააჭირეთ ღილაკს [შემოწმება](7).
სურ. 13
შემოწმების შედეგად გამოვა გადახდის შესახებ დამატებითი ინფორმაცია და მიმდინარე დავალიანება (ა). შეავსეთ ველები:
- ველში [გადასახდელი თანხა] (8) ჩაწერეთ მიმდინარე დავალიანება;
- ველში [გადახდის მეთოდი] (9) შეარჩიეთ გადახდის მეთოდი;
- დააჭირეთ ღილაკს [გადახდა] (10).
სურ. 14
გამოსულ გვერდზე მიყევით გადახდის სტანდარტულ პროცედურას.
სურ. 15
3. გადახდა სხვა საშუალებებით
სერტიფიკატის განახლების საფასურის გადასახდელად შეგიძლიათ შეარჩიოთ სხვა გვერდები. თუმცა გადახდის გვერდზე გამოიყენეთ შემდეგი ინფორმაცია: განაცხადის ნომერი (ა) და განაცხადის კოდი (ბ).
სურ. 16
გადახდა ასევე შესაძლებელია ნებისმიერ ბანკში ადგილზე მისვლით. ანგარიშწორებისას მიუთითეთ განაცხადის ნომერი (ა) და განაცხადის კოდი (ბ).