რა არის CCID?
სპეციფიკაცია USB Chip/Smart Card Interface Devices (CCID) განსაზღვრავს ბარათების წამკითხველების უნივერსალურ ინტერფეისს ოპერაციულ სისტემასთან. თუკი თქვენს სისტემას გააჩნია სპეციალური, უნივერსალური დრაივერის მხარდაჭერა რომელიც CCID–თავსებადია მაშინ შესაძლოა თქვენ აღარ დაგჭირდეთ ბარათის წამკითხველის სპეციალიზებული დრაივერის ინსტალაცია
| Info | ||
|---|---|---|
| ||
| ამგვარი დრაივერის მხარდაჭერა Windows 7–ს თავისთავად აქვს. Windows XP–სათვის შესაძლოა საჭირო გახდეს მისი ინსტალაცია ხელით. ამაში ჩვენი გვერდი დაგეხმარებათ |
CCID დრაივერის ინსტალაცია Windows XP ოპერაციულ სისტემაში
უპირველეს ყოვლისა, გადმოიწერეთ CCID დრაივერი Windows-ისათვის რომელიც ZIP ფორმატშია შეკუმშული და გახსენით ის რომელიმე დირექტორიაში. მაგალითად: C:\install\CCIDDriver. ამის შემდეგ შეუერთეთ ID ბარათის წამკითხველი თქვენს კომპიუტერს. ეკრანზე გამოვა ახალი ხელსაწყოს პოვნის ფანჯარა. აირჩიეთ მასში რომ არ გსურთ Windows Update სერვისთან დაკავშირება და დააჭირეთ Next
ამის შემდეგ ეკრანზე გამოვა ახალი ფანჯარა რომელიც შემოგთავაზებთ მოწყობილობის ავტომატურ ინსტალაციას. უთხარით მას რომ თქვენ თვითონ დააყენებთ მოწყობილობას სასურველი ადგილმდებარეობიდან და დააჭირეთ Next
შემდეგ ეკრანზე უნდა აირჩიოთ დირექტორია, სადაც განაარქივეთ ინსტრუქციის დასაწყისში გადმოწერილი ფაილი. ჩვენს შემთხვევაში ესაა C:\install\CCIDDriver და დააჭირეთ Next
Windows დაიწყებს ინსტალაციის პროცესს. დასრულებისას ის გამოიტანს წარმატებული ინსტალაციის შეტყობინების ფანჯარას
დახურეთ ის Finish ღილაკზე თითის დაჭერით.
ინსტალაცია დასრულებულია!
CCID (Chip Card Interface Device) — ეს არის სტანდარტი/პროტოკოლი, რომელიც განსაზღვრავს, როგორ უნდა იმუშაოს ჩიპიან ბარათის წამკითხველმა (Smart Card Reader) კომპიუტერთან.
მარტივად რომ ვთქვათ, CCID ნიშნავს, რომ ბარათის წამკითხველი მუშაობს დრაივერის დაყენების გარეშე და ოპერაციული სისტემა ავტომატურად ცნობს მას.
რას აკეთებს CCID?
- ადგენს ერთიან წესებს, როგორ დაუკავშირდეს ბარათის წამკითხველი კომპიუტერს
- უზრუნველყოფს Plug & Play მუშაობას
- იძლევა საშუალებას, რომ ერთმა წამკითხველმა იმუშაოს სხვადასხვა პროგრამასთან
რატომ არის CCID მნიშვნელოვანი?
თუ წამკითხველი არის CCID-სათავსო:
- მუშაობს Windows, macOS და Linux-ზე დამატებითი დრაივერის გარეშე
- თავსებადია ID ბარათებთან და ელექტრონულ ხელმოწერასთან
- რეკომენდებულია სახელმწიფო და საბანკო სისტემებისთვის
თუ არ არის CCID:
- საჭიროებს სპეციალურ დრაივერს
- შესაძლებელია თავსებადობის პრობლემები პროგრამებთან
პრაქტიკული მაგალითი
საქართველოში გამოყენებული ID ბარათების წამკითხველები უმეტესად მოითხოვენ, რომ მოწყობილობა იყოს CCID compliant, რათა იმუშაოს:
- პირადობის მოწმობის პროგრამულ უზრუნველყოფასთან
- კვალიფიციურ ელექტრონულ ხელმოწერასთან
მოკლედ: CCID = სტანდარტი, რომელიც უზრუნველყოფს ბარათის წამკითხველის მარტივ და საიმედო მუშაობას.