ზოგადი ინფორმაცია
Identiv ფირმის წამკითხველები SRC3310v2.0 და 2700R ბარათის კომპაქტური წამკითხველებია, რომლებიც კომპიუტერს USB ინტერფეისით უერთდება. ისინი განკუთვნილია პირადი მოხმარებისათვის. წამკითხველი სერტიფიცირებულია ID ბარათის სრულყოფილ მხარდაჭერაზე კონტაქტური ინტერფეისით.
ამ წამკითხველის საშუალებით შეგიძლიათ დაათვალიეროთ თქვენი ბარათის შიგთავსი, Georgian ID Card - პირადობის ელექტრონული მოწმობის უნივერსალური პროგრამის გამოყენებით, შეხვიდეთ მოქალაქის პორტალზე, განახორციელოთ კვალიფიციური ელექტრონული ხელმოწერა და სხვა. ის შეგიძლიათ გამოიყენოთ როგორც სამსახურში, ასევე სახლში ნებისმიერ კომპიუტერზე რომელსაც USB პორტი გააჩნია.
წამკითხველს არ აქვს PIN კოდის უსაფრთხო შეყვანის ფუნქცია, ამიტომაც კლიენტების მომსახურებისათვის მისი გამოყენება დაუშვებელია.
როგორ დავაყენოთ კომპიუტერზე?
წამკითხველების ინსტალაცია მთლიანად დამოკიდებულია იმაზე, რომელი ოპერაციული სისტემა აყენია თქვენს კომპიუტრზე. ქვემოთ თქვენ ნახავთ ინსტალაციის ინსტრუქციებს რამდენიმე, გავრცელებული ოპერაციული სისტემისათვის.
ინსტალაცია Microsoft Windows 7, 8.1, 10 ოპერაციულ სისტემაში
ბარათის წამკითხველები SRC3310v2.0 და 2700 R ავტომატურად ინსტალირდება იმ კომპიუტერზე, რომელზეც Microsoft Windows 7, 8.1, 10 ოპერაციული სისტემა აყენია.
ინსტალაციისთვის არაფერია საჭირო გარდა გამართულად მომუშავე ინტერნეტ–კავშირისა. იმისათვის, რომ დრაივერი დაინსტალირდეს თქვენს კომპიუტერზე, საკმარისია უბრალოდ შეუერთოთ ის USB პორტში.
Microsoft Windows 7, 8.1, 10 ავტომატურად დაუკავშირდება თავისი სტანდარტული დრაივერების საიტს და გადმოწერს საჭირო ვერსიას. თქვენ უბრალოდ უნდა დაელოდოთ მოწყობილობის ინსტალაციის დასრულების სტანდარტულ შეტყობინებას, რომელიც ეკრანზე გამოგიჩნდებათ.
ინსტალაცია Microsoft Windows XP ოპერაციულ სისტემაში
განვიხილოთ როგორ უნდა დააინსტალიროთ ბარათის წამკითხველები SRC3310v2.0 და 2700 R კომპიუტერზე, რომელზეც Microsoft Windows XP ოპერაციული სისტემა აყენია.
სანამ ინსტალაციას დაიწყებთ მნიშვნელოვანია შეუერთოთ წამკითხველი კომპიუტერს.
ინსტალაციის პროცედურა:
გადმოიწერეთ დრაივერი მწარმოებლის ვებ–გვერდიდან
- დრაივერები: SRC3310v2.0 დრაივერი და 2700 R დრაივერი;
- დააჭირეთ Download ღილაკს;
- შეინახეთ არქივის ფაილი (SCR3XX_Driver_v4.65.zip ან uTrust_driver_v1.09.00.06_(WinXP-Win7-Win8.1).zip) თქვენს კომპიუტერში. მაგალითად, პირდაპირ სამუშაო მაგიდაზე (Desktop–ზე).
- გახსენით არქივის ფაილი.
დაიწყეთ ინსტალაცია:
- My Computer პიქტოგრამას დააწკაპეთ მაუსის მარჯვენე ღილაკით და გამოსული კონტექსტური მენიუდან აირჩიეთ Manager,
სურ. 1
2. გამოსილ ფანჯარაში Computer Management მარცხნივ აირჩიეთ [Device Manager] (3) და მარჯვნივ ჩამონათვალიდან +ნიშანზე დაწკაპუნებით გახსენით [Smart Card readers] (4) და დააჭირეთ USB Smart Card reader (5) მაუსის მარჯვენა ღილაკით, გამოსული კონტექსტური მენიუდან აირჩიეთ [Update Driver...] (6)
სურ. 2
3.
ინსტალაციის დასრულების შემდეგ
ბარათის წამკითხველის ინსტალაცია მხოლოდ პირველი ნაბიჯია იმისათვის, რომ თქვენ შესძლოთ ID ბარათის ელექტრონული ფუნქციების გამოყენება. გარდა ამისა, თქვენ ასევე დაგჭირდებათ დააყენოთ პროგრამული უზრუნველყოფა და სერტიფიკატები.
გასაგრძელებლად გადადით ინსტალაციის ინსტრუქციების გვერდზე.