წამკითხველი მოწყობილობები

ID ბარათის/შტამპის წამკითხველი მოწყობილობები (Smart Card Reader) გამოიყენება საქართველოს ელექტრონული პირადობის მოწმობის ფუნქციონალის სრულყოფილად გამოსაყენებლად, მათ შორის:

• კვალიფიციური ელექტრონული ხელმოწერა
• ავთენტიფიკაცია
• სახელმწიფო ელექტრონულ სერვისებზე წვდომა

რეკომენდირებული წამკითხველები 

ID ბარათისა და კვალიფიციური ელექტრონული შტამპის პროგრამული უზრუნველყოფა ითვალისწინებს გარკვეულ ტექნიკურ მოთხოვნებს ბარათის წამკითხველების მიმართ. მოწყობილობის შეძენამდე აუცილებელია გადაამოწმოთ, არის თუ არა არჩეული წამკითხველი თავსებადი აღნიშნულ პროგრამულ უზრუნველყოფასთან.

უსაფრთხოების მიზნით რეკომენდებულია გამოიყენოთ ღილაკებიანი (PIN Pad) წამკითხველი მოწყობილობა, რათა PIN კოდის შეყვანა მოხდეს უშუალოდ მოწყობილობაზე და არ დაგჭირდეთ სხვისი კომპიუტერის კლავიატურის გამოყენება. ეს მნიშვნელოვნად ამცირებს PIN კოდის გამჟღავნების რისკს.

თუკი თქვენ წარმოადგენთ იურიდიულ პირს (კომპიუტერულ მაღაზიას), რომლის წამკითხველებიც ამ სიაში არაა, გთხოვთ დაუკავშირდეთ სახელმწიფო სერვისების განვითარების სააგენტოს. ჩვენი სპეციალისტები შეამოწმებენ თქვენს წამკითხველს და თავსებადობის შემთხვევაში მოდელის დასახელება აუცილებლად დაემატება ქვემოთ მოყვანილ სიაში

რეკომენდირებული წამკითხველების სია:

სურათი	მოდელი	მომწოდებელი	დამატებითი ინფორმაცია
	miniLector EVO	Bit4id	დრაივერების ჩამოსაწერად გადადით ოფიციალურ გვერდზე: https://support.bit4id.com/#!/it/drivers/product/miniLector_EVO
	APG8201 B2	ACS	დრაივერების ჩამოსაწერად გადადით ოფიციალურ გვერდზე:  https://www.acs.com.hk/en/driver/456/apg8201-b2-smart-card-reader-with-pinpad/
	ACR40U-A1	ACS
	ACR39U	ACS
	MNIKEY 3821  USB Pinpad	HID Global	დამატებითი ინფორმაცია იხილეთ ოფიციალურ გვერდზე: https://www.hidglobal.com/products/3821?queryID=fd775f190c5dea33bd8353a6baafb701&objectID=entity:node/550:en
	SPR332	SCM Microsystems	დრაივერების ჩამოსაწერად გადადით ოფიციალურ გვერდზე: https://www.hirschsecure.com/products/identity-smart-card-readers/smart-card-readers-writers/contact-smart-card-readers-writers/spr332v2/support
	SCR3310  v2.0	IDENTIV

წამკითხველისა და დრაივერების ინსტალაცია

იმისათვის რომ ბოლომდე გამოიყენოთ თქვენი ID ბარათის/შტამპის ელექტრონული ფუნქციები, PC/SC სტანდარტის USB ბარათის წამკითხველი (USB Card Reader) დაუკავშირეთ  კომპიუტერს.

ბარათის წამკითხველის გამოყენებით ხელმისაწვდომია, როგორც ID ბარათის/შტამპის შიგთავსის წაკითხვა, ასევე სხვადასხვა ონლაინ–სერვისები.

უმეტეს შემთხვევაში Windows ავტომატურად ცნობს წამკითხველ მოწყობილობას. 

შეამოწმე Device Manager → Smart card readers თუ არის ყვითელი ნიშანი ❗ - დრაივერი არ არის დაყენებული

თუ თქვენმა სისტემამ ავტომატურად ვერ ამოიცნო წამკითხველ მოწყობილობა, დაგჭირდეთ დამატებითი სამუშაოების ჩატარება: დრაივერების მოძიება და ინსტალაცია.

ასეთ შემთხვევაში: დააყენე დრაივერი, რომელიც მოჰყვა მოწყობილობას ან ჩამოტვირთე მწარმოებლის ოფიციალური საიტიდან

ID ბარათის წამკითხველი მოწყობილობის დრაივერი დამოკიდებულია კონკრეტულ მოდელზე. 

ბარათის წამკითხველი

წინამდებარე გვერდის საშუალებით მომხმარებელი შეძლებს მიიღოს სრული ინფორმაცია იმ ტექნიკური და პროგრამული მოთხოვნების შესახებ, რომლებიც აუცილებელია საქართველოს მოქალაქის ელექტრონული პირადობის მოწმობის (ID ბარათის) ელექტრონული ფუნქციების სრულად გამოსაყენებლად.

ბარათის წამკითხველის საშუალებით გექნებათ წვდომა, როგორც ID ბარათის შიგთავსის წაკითხვის პროცესზე, ასევე იმ ელექტრონულ სერვისებზე, რომელთა გამოყენება შესაძლებელია ID ბარათის მეშვეობით და რომელთა რაოდენობაც ეტაპობრივად იზრდება.

პირადი მოხმარებისათვის განკუთვნილ წამკითხველებზე არანაირი შეზღუდვა არ არსებობს, გარდა ტექნიკურისა - შეუძლია თუ არა მას სრულყოფილად მუშაობა ID ბარათთან. ჩვენს გვერდზე შეგიძლიათ იხილოთ რეკომენდირებული წამკითხველების სია.

წამკითხველის ინსტალაციის ინსტრუქცია უნდა ეწეროს კომპაქტ–დისკზე, რომელიც ზოგიერთ წამკითხველს მოჰყვება. თუკი თქვენს წამკითხველს არანაირი ინსტრუქცია არ ჰქონდა, მისი მოძიება სავარაუდოდ შესაძლებელი იქნება ინტერნეტში.