• ზოგადი ინფორმაცია
• როგორ დავაყენოთ კომპიუტერზე?
  • ინსტალაცია Microsoft Windows 7, 8.1, 10 ოპერაციულ სისტემაში
  • ინსტალაცია Microsoft Windows XP ოპერაციულ სისტემაში
    • ინსტალაციის პროცედურა:
    • გადმოიწერეთ დრაივერი მწარმოებლის ვებ–გვერდიდან
  • ინსტალაცია Ubuntu Linux ოპერაციულ სისტემაში
• ინსტალაციის დასრულების შემდეგ 

ზოგადი ინფორმაცია

Identiv ფირმის წამკითხველები SRC3310v2.0 და 2700R ბარათის კომპაქტური წამკითხველებია, რომლებიც კომპიუტერს USB ინტერფეისით უერთდება. ისინი განკუთვნილია პირადი მოხმარებისათვის. წამკითხველი სერტიფიცირებულია ID ბარათის სრულყოფილ მხარდაჭერაზე კონტაქტური ინტერფეისით.

  ამ წამკითხველის საშუალებით შეგიძლიათ დაათვალიეროთ თქვენი ბარათის შიგთავსი, Georgian ID Card - პირადობის ელექტრონული მოწმობის უნივერსალური პროგრამის გამოყენებით, შეხვიდეთ მოქალაქის პორტალზე, განახორციელოთ კვალიფიციური ელექტრონული ხელმოწერა და სხვა. ის შეგიძლიათ გამოიყენოთ როგორც სამსახურში, ასევე სახლში ნებისმიერ კომპიუტერზე რომელსაც USB პორტი გააჩნია.

წამკითხველს არ აქვს PIN კოდის უსაფრთხო შეყვანის ფუნქცია, ამიტომაც კლიენტების მომსახურებისათვის მისი გამოყენება დაუშვებელია.

როგორ დავაყენოთ კომპიუტერზე?

წამკითხველების ინსტალაცია მთლიანად დამოკიდებულია იმაზე, რომელი ოპერაციული სისტემა აყენია თქვენს კომპიუტრზე. ქვემოთ თქვენ ნახავთ ინსტალაციის ინსტრუქციებს რამდენიმე, გავრცელებული ოპერაციული სისტემისათვის.

ინსტალაცია Microsoft Windows 7, 8.1, 10 ოპერაციულ სისტემაში

ბარათის წამკითხველები SRC3310v2.0 და 2700 R ავტომატურად ინსტალირდება იმ კომპიუტერზე, რომელზეც Microsoft Windows 7, 8.1, 10  ოპერაციული სისტემა აყენია.

ინსტალაციისთვის არაფერია საჭირო გარდა გამართულად მომუშავე ინტერნეტ–კავშირისა. იმისათვის, რომ დრაივერი დაინსტალირდეს თქვენს კომპიუტერზე, საკმარისია უბრალოდ შეუერთოთ ის USB პორტში.

Microsoft Windows 7 ავტომატურად დაუკავშირდება თავისი სტანდარტული დრაივერების საიტს და გადმოწერს საჭირო ვერსიას. თქვენ უბრალოდ უნდა დაელოდოთ მოწყობილობის ინსტალაციის დასრულების სტანდარტულ შეტყობინებას, რომელიც ეკრანზე გამოგიჩნდებათ.

წამკითხველში ID ბარათის ჩადების შემდეგ Microsoft Windows 7 ცდილობს ასევე დააინსტალიროს ID ბარათის დრაივერი, რასაც ვერ ახერხებს და გამოაქვს შეტყობინება უცნობი მოწყობილობის თაობაზე. თქვენ შეგიძლიათ მშვიდად უგულვებელჰყოთ ეს შეტყობინება.

თუკი თვლით რომ შეტყობინება გამაღიზიანებელია, შეგიძლიათ გამორთოთ იგი შემდეგი ინსტრუქციის მიხედვით:

1. დააჭირეთ Start, აკრიფეთ gpedit.msc არეში Search programs and files და დააჭირეთ ENTER.
2. იპოვეთ ხის სტრუქტურაში Computer Configuration, და დააჭირეთ Administrative Templates.
3. გადადით details ჩანართზე, ორჯერ დაუწკაპუნეთ Windows Components, და შემდეგ ორჯერ დაუწკაპუნეთ Smart Card.
4. მაუსის მარჯვენა ღილაკით მონიშნეთ Turn on Smart Card Plug and Play service, და შემდეგ დააჭირეთ Edit.
5. დააჭირეთ Disabled, შემდეგ დააჭირეთ OK.

ინსტალაცია Microsoft Windows XP ოპერაციულ სისტემაში

განვიხილოთ როგორ უნდა დააინსტალიროთ ბარათის წამკითხველები SRC3310v2.0 და 2700 R  კომპიუტერზე, რომელზეც Microsoft Windows XP ოპერაციული სისტემა აყენია.

სანამ ინსტალაციას დაიწყებთ სასურველი,ა არ შეუერთოთ წამკითხველი კომპიუტერს დრაივერის ინსტალაციის დასრულებამდე.

ინსტალაციის პროცედურა:

გადმოიწერეთ დრაივერი მწარმოებლის ვებ–გვერდიდან

1. მოძებნეთ დრაივერები: SRC3310v2.0 დრაივერი და 2700 R დრაივერი; 
2. დააჭირეთ Download ღილაკს;
3. შეინახეთ არქივის ფაილი SCR3XX_Driver_v4.65.zip ან uTrust_driver_v1.09.00.06_(WinXP-Win7-Win8.1).zip თქვენს კომპიუტერში. მაგალითად, პირდაპირ სამუშაო მაგიდაზე (Desktop–ზე).

ინსტალაცია Ubuntu Linux ოპერაციულ სისტემაში

ინსტალაციის დასრულების შემდეგ 

 ბარათის წამკითხველის ინსტალაცია მხოლოდ პირველი ნაბიჯია იმისათვის, რომ თქვენ შესძლოთ ID ბარათის ელექტრონული ფუნქციების გამოყენება. გარდა ამისა, თქვენ ასევე დაგჭირდებათ დააყენოთ პროგრამული უზრუნველყოფა და სერტიფიკატები.

გასაგრძელებლად გადადით  ინსტალაციის ინსტრუქციების გვერდზე.